سيف الهجر
يكفي صبر اغفر لك الذنب وتزل
كل ما اغفر اخطائك تجيني بزله
نّزلت نفسي لك وقلبي تّنزل
وأشوف نفسك بالكبر مسفهله
خل المهازل والدلع والتدلل
حس فبعض شوقي ولا اريد كله
لا تحسب اني طامع فيك منعل
لا تحدني سيف الهجر يوم اسله
تراي قادر اقطع الوصل وارحل
لا صار شوقي غادٍ عن محله
شربت فنجالك غرابيل وعلل
وانا سقيتك من حناني بدله
واشوف نفسك بالتجاهل توغل
ان جيت لك طيب تجيني بعله
وان جيت متواضع اشوفك تبدل
وان صرت لك قاسي تجيني توله
(يا....صوني كبريائي عن الذل
ترى التواضع بالمحبه مذله)
والحب لامن صار اخذ وتبادل
والله ماتلقى احد قال مله
فتشت صفحاتي معك كلها غل
وقررت انا بالحال حرق الجله
سؤال طبعك عندي اليوم له حل
وسؤال صدي صعب مثلك يحله
وش لي بساسٍ ما يجي منه لي ظل
كلٍ على ماقيل دربه يدله
انا ما ارضى على نفسي الذل
وعيب على شرواي يرضى المذله
تقبلو تحياتي وتقديري للجميع
اختكم,,,سوسو,,,:icon26:
« آخـــر الــمــواضــيــع »
الإهداءات
04-08-2007, 07:01 AM
العرض العادي
